محكمة الحب ؟؟؟؟؟؟؟؟؟؟؟؟؟؟؟؟

اولا

(اقسم بالله العظيم ان اقول الحق ولا شىء غير الحق وانى لم اخفى اى سر على هيئه المحكمه)

ثانيا
هجاوب الاسئله بقى

الحياه العامه

بطاقتك الشخصيه
الاسم

امــــــــــــــــيـــــــــــــــــــــرة

السن
23 سنه

الوظيفه

...........................

ايه اكتر حاجه ممكن تضيقك؟

انى اعامل حد كويس وملاقيش منه نفس المعامله


ايه اكتر حاجه ممن تفرحك؟

لو حسيت انى ساعدت حد

ماهى احلامك المستقبليه؟

اشتغل
نفسى اشتغل فى مكان يعجبنى
وطبعا اقابل حد يحبنى بجد

اكتر موقف مفرح حصلك؟

مش حصلى انا
انا اكتر يوم كنت فرحانه فيه بجد يوم فرح صحبتى الانتيم

اكتر موقف محزن حصلك؟

افترقت عن اعز اصحابى
كان يوم 17/2/2009
ابقوا اعملولى عيد ميلاد جرحى انا

ياترى هتسشتغلى أو أشتغلتى فى مجال دراستك ولا لاء؟

لا لسه مشتغلتش للاسف
ادعيلى اشتغل

اكتر امنيه نفسك تتحققيها ولسه مش حققتيها؟

الشغل برده
هو فى غيره؟

كل واحد فينا بيمر بعلاقات صداقه كتير منها بينجح ومنها بيفشل ايه اكتر

علاقه صداقه فشلت واثرت فيكى؟وحسيتى انك بجد مخدوعة فيها مووت؟

اللى انا قولت عليها دى
بتاعت عيد ميلاد جرحى انا

اكتر حاجه عملتيها فى حياتك وندمتي عليها؟

واحده اتصرفت تصرف مش كويس بس مش موجه ليا انا
فانا بقى عملت فيها مثاليه وقولت طالما مش زعلتنى انا يبقى خلاص
مفيش كام يوم وعملت فيا موقف ندمتنى على انى اتصرفت معاها كده
بس هى خلتنى اتغيرت والله
كتر خيرها

امتى حسيتي انك وحيدة ومش فى حد جنبك؟

لا محستش بكده الحمدلله

ياترى مرمريكا بتفكر كويس قبل اى قرارا ولا متسرعة؟

متســـــــــــرعه
او بفكر غلط

اكتر فيلم بتحبيه؟

اى فيلم لكريم عبد العزيز

اكتر اغنيه رومانسيه بتاثر فيكي؟

مش معقول
لحماقى حبيب قلبى

بتقعدي كام ساعه على النت تقريبا فى اليوم؟

حوالى 3 ساعات

هل انتي ممن يعانون من الملل فى الحياه اليوميه ولا ايامك مختلفه ومتجدده؟

لا بعانى من الملل اوى يعنى

ياترى مرمريكا بتثق فى الناس بسرعة ولا لاازم تدرسى شخصية اللى قودامك قبل ما تحطى الثقة فية؟

لا بثق بسرعه للاسف
وده طبعا غلط

كلام فى الحب وعن الحب
ماهو الحب من وجهة نظرك؟

انى الاقى حد يفهمنى ويخاف عليا اكتر من نفسه

بتؤمنى فى الحب من اول نظره؟

نوووووووووووووووووووو
مفيش الكلام ده خالص

هل انتى رومانسية بطبعك ولا واقعية اكتر؟

لا واقعيه

ايه رايك فى حب النت؟

ميـــــــــــــــــنــــــــــــــفـــــــــــعـــــــــــــــــــــش

ياترى هل انتى فى قصه حب حاليا؟

حاليا لا

هل عشتى قصه حب وفشلت؟

اااااااااااااااااااااااه

عمرك حسيتى انك جرحتى حد بيحبك ؟

لا خالص
ده انا غلبانه اوى

هل انت من النوع الغيور فى الحب؟

اه شويه

ماهى مواصفات فارس احلامك؟

طيب
حنون
متفاهم
بس كده

ايه اكتر حاجه ممكن تشدك فىالولد وتخليكى تعجبى بيه؟

خفة دمه واحترامه للى قدامه

ممكن تحبى واحد اصغر منك فى السن؟

لا معتقدش
انا من رايى انه مينفعش

لو زعلتى حبيبك ازاى بتصالحية؟وياترى بيستجيب بسرعه ولا لاء؟

مجرد بس انى بعتذر وبقول مبرراتى

موضوع الاستجابه ده بقى لما اجرب هقولك

حبيتى من طرف واحد قبل كده؟

لا الحمدلله

ماهى مدى اهمية الحب فى حياتك؟

مينفعش اعيش من غيره طبعا

فى رايك ممكن الحب يتحول الى صداقه؟

استحاله طبعا

لو شوفتى حبيبك بيبكى ايي هايكون شعورك فى اللحظة دى ؟

ياااااااااااه
ده انا ممكن اموت فيها

- ايه اللى كان نفسك تلاقيه فى حبيببك وملقيتش فية لحد دلوقتى ؟
انا ملقتش حبيبى كله على بعضه

_ ايه السبب اللى ممكن يخليكى تقولى خلاص وكفايه كده لحد كده ومش هكمل ف قصه الحب
بعد الشر طبعا

لما الكدب يدخل بيننا

_ ايه اصعب حاجه ف الحب
مشاكله ولا لحظه الفراق ولا الذكريات ولا انتى شايفة ايه
الذكريات اصعب حاجه

الحب بيقوى مش بيضعف ايه وجهت نظرك ف الجمله دى
ولو صحيحه ممكن امتى يبقى العكس

لا انا شايفه ان الحب بيقوى فى الحياة عموما
يعنى بيخلى الانسان اقوى فى كل حاجه
الا مع حبيبه
بيكون ضعيييييييييييييييييييف جداااااااااااااااااا

لو اخدت ميعاد من حبيببك ومش جه ولا اتصل يعتذر هتعملى ايه ؟

هزعل منه طبعا لان كده مفيش اى اهتمام
بس لو جه وقالى اى مبرر عبيط
هصدقه علطول

هل من الخطا ان الواحدة تظهر لحبيبها انها بتحبو قوى لدرجه الضعف
بمعنى انها ممكن تسامحه بمنتهى السهوله على اى خطا يعمله بشرط انها مش تكره

اه غلط جدا
لانه بيستغل الحكايه دى لصالحه

ايه ده ينهارى ابتسام جت ومشيت ومش
لحقت اعمل الواجب معها يخصاره
يلا جيتى انتى ياميره
بس ايه الاجبات دى لا صريحه صريحه
يلا اختارى محامى لحد مجهز احلى اسئله ليكى يا ميره
وعلى فكره لو انجل مجتش انا الا هحكم
ده قانون يعنى هعمل معاكى احلى واجب
يعنى حاجه متعملتش لحد يعنى حاجه خصوصى
ولنا عوده بعد متختارى المحامى بطريقه رسميه
وانتى يانيمو يلا هش بعيد مش عاوزين اطفال هنا

اقتباس :

وانتى يانيمو يلا هش بعيد مش عاوزين اطفال هنا

لما انتوا مش عايزين اطفال هنا
ايه اللى جابك انتى يا فكرة؟؟؟؟؟؟؟؟؟؟؟؟


وطبعا اميرة مش هتدخل التوبيك ده
وابقوا قابلونى لو شوفتوها هنا
الا فى حضور هيئة المحكمة الموقرة ( انجل )

ايه ده انا عايزه الحكم بقى
وتوقيع اقصى العقويه على المتهمه اميره
عشان اللى حصل ف بوسى
على فكره انا بهدى النفوس بس انا مليش دعوه
بس انا مش الاجابات بقول المؤبد حلو عليها
بلاش اعدام
ولا ايه

طبعا يابوسى هتشوفى هو انا هسكت
دول هيشوفو ايام زرقا زرقا يعنى
وبت يانيمو يابت مش قولت مش عاوزين
اطفال هى رحله ولا ايه
وبعدين انا الاهحكم ده قانون يابنتى
ان فكره تحكم برحتها حتى اسالى الناس الافوق دول
مش كده يابوسى ويا ميرو
وبعدين ايه ياميرو قسوه القلب دى
ميره برضو مننا
انا بقول بلاش مؤبد نخليها اعدام
وناخد الاصوات ماشى
وبلاش قلبك الاساسى ده يا ميرو تانى مره

اقتباس :

ولسيادتكم جزيل الشكر

هو انتى خليتى فيها سيادتكم خالص

وانا شايفة ان هيئة المحكمة نزيهة جدا
والكل عندها متساوى امام القانون
بدليل انها قبلت منك المداعبة لما كنتى متهمة
ولو كنتى نسيتى خلى الكومنتات تفكرك

ولو كنتى اتبهدلتى
فده بسبب تطاولك انتى والمحامى بتاعك على هيئة المحكة

ايه يا نيمو انتى كل ده نايمه ولا ايه
روحى يلا يا بوسى صحيها
كفايه نوم بقى

اقتباس :

بتقعدي كام ساعه على النت تقريبا فى اليوم؟

تقريبا 4 ساعات

يسلام4سعات بس يسلام
لا طبعا متهيقلى كده وانا عرفت من مصادر مفيش منها اتنين
انك بتنامى على الكمبيوتر يابنتى
ال 4سعات ال
هنبتدى نصب
اضم صوتى لصوت بوسى وعاوزه حكم ما بعده حكم
بقى

اقتباس :

انا كده مضطرة اقول ان الهيئة الموقرة لا تتصف بالنزاهه
ومفيش حد غيرى اللى اتبهدل هنا
واكيد كان فى حد معين عارف نفسه موصى عليا

موقرة ايه بقى؟
ده انتى ضيعتى الوقار خالص
على فكرة لو هيئة المحكمة تغاضت عن الاهانه دى مش هتعرف تسيطر على الموقف بعد كده
وكلنا طبعا واثقين من نزاهة سيادتكم
ارجو ان اموقف ده ميعديش كده

اقتباس :

كبير عليكى اوى الكلام ده على فكرة

انا شايفه ان فى سخرية من الاجابات
وده طبعا ميصحش خالص يا بوسى
ولا ايييييييييييه؟

اقتباس :

التدريب ده نسيتى توضحى انه مش بيكمل ساعه ونص

مش موضوعنا على فكرة

اقتباس :

احتج طبعا

نجم النجوم ده محمد نور وبس
وطبعا كده فى سرقه للالقاب احتج عليها

ما تجاوبى مكانها احسن
محمد نور انتى اللى ادتيله اللقب ده
وهى كمان من حقها تديه لمطربها المفضل زيك بالظبط