حــلـــم وفــراق

وفى الحلم دايماً قلوبنا تطير

ونتمني للحب يفضل كبير

وتشتاق عيونَّا لنظرة حنان

او نحس الأمان

في الطريق لو نسير

ونفضل حيارى

بنعشق ونكتم ونحلم كتير

وتيجى الحياة فجأة تبعد قلوبنا

في وسط المسير

ونبكي ونحزن على الذكريات

وأحلامنا تغرق في وسط الأهات

ونتمني تانى

تعود الأماني وكل اللى فات

وترجع قلوبنا وأحلامنا تبداء

مع الأمسيات

ويفضل حنينا وشوقنا الكبير

ينور حياتنا لــــ حد الممات

***

تضيع الأماني .. يطول الفراق

وتنزف عيوني بكا في المساء

وبيزيد حنيني وشوقي لحبيبي

بدون انتهاء

وبفضل يوماتي في هم وعذاب

عشان افترقنا وطال الغياب

عشان هو عمري

وفيه قلبي داب

راح أستني يرجع

ويمسح دموعي وأى إكتئاب

ومن تاني هحلم

لأيامنا ترجع وفرح الشباب

ومهما الفراق راح يضلم حياتي

مفيش حلم هيموت

ويبقي سراب

مفيش حلم أبداً هيبقي سراب