رباعيات جاهين

عدد المساهمات : 886 العمر : 34

طال انتظاري للربيع يرجع
و الجو يدفا والزهور تطلع
عاد الربيع عرمرم شباب
إيه اللي خلاني ابتديت افزع؟
عجبي
*******
لو اتضنيت وفنيت وعمري انفرط
مش عاوز الجأ للحلول الوسط
وكمان شطط وجنون مانيش عاوز
يا مين يقول لي الصح فين والغلط
عجبي
*******
عاد الربيع كأنه طعم الحب
والحب نار جوه العروق بتصب
اتمتع ازاي بيه وانا متقطع
من كتر خوفي لا في الخطيئة يطب
عجبي
*******
عيني رأت عصفور وويّاه ابنه
بيحدفه في الريح وياخده فـ حضنه
نوبتين وتالت نوبة.. عجبي عليهم
كانوا سوا بيرفرفوا ويغنوا
عجبي
*******
احسن ما فيها العشق والمعشقة
وشويتين الضحك والتريقة
شفت الحياة.. لفيت.. لقيت الألذ
تغييرها.. وده يعني التعب والشقا
عجبي
*******
عجبي على العجب العجيب العجاب
لما الحقيقة تطُل بعد احتجاب
وتروح وتحلا وفجأة تصبح مفيش
كمثل طراطيش بحر ياما خد وجاب
عجبي
*******
في الهو ماشي يابهلوان إشّ إِشّ
يا فراشة منقوشة على كل وشّ
شقلبت عقلي وعقلي شقلبني
وكنت باحسبني بقيت ما اندهشّ
عجبي
*******
الحلو يمّ اليمّ صابح رايح
سارح في حضن الميه سابح سايح
الحلو داب في البحر, قلت أدوقه
وجدت لسه البحر برضك مالح
عجبي
*******
يا كل كلمة للعجب في قاموس
انسكلوبيديا لسان العرب أو لا لاروس
تعالوا نجده.. ده لسه في عصرنا
الشمس والبحر العريض بالفلوس
عجبي
*******
إزاي شبابنا يقوم وياخد دوره
من غير صراخ يئذيه ويجرح زوره
يا هلترى أحسنله يقعد ساكت
أو ينترك ولو خرج عن طوره؟
عجبي
*******

احسن ما فيها العشق والمعشقة
وشويتين الضحك والتريقة
شفت الحياة.. لفيت.. لقيت الألذ
تغييرها.. وده يعني التعب والشقا
عجبي
---------------
حلوه اوى تسلمى ياقمر