علمـ ـ ــوهـ ـ ــا

لموها عن خطاها .. وذكروها .. بالمنيّه
....... ذكروها ( !؟!؟! ) .. علّها تحس بخطاها


وذكروها بالليالي .. وكم تســامرنا ســويه
....... وذكروها بالمحاني .. يوم تزبن .. في حماها


وذكروها بالعطايا .. ومن بذل عمره هديه
....... من رضا بالهم صاحب .. لجْـل بسمه في شفاها


مَن غلاها في عروقي .. سار مجرى الدم فيه
....... ِمن جنوني في هواها .. صرت أنا أتنفس هواها


وخبروها .. عن وفاتي .. علّها تبكــي عليـه
....... وياعسى تذكــــر كلامي .. " العمــر جعله فداها "


وانزعوا عني ثيابي .. وانظروا فالقلب كيّه
....... من جفاها .. شب ْ قلبي .. يعلم الله من جفـــاها


واحملوني قدْم عينه .. وحطوا ايده في يديه
....... وادفنوني عند بابه .. يكفــي إني .. في ثراهــا


وطمنوها في حياتي .. ماشغف قلـــبي بنيه
....... وتربة الخفّـــاق والله .. ماحد ٍ غـــيره وطـــآها


وخبروها من جفاها .. حبنا هو الضحـــية
....... ماتت ورود المحبة .. وطـــاح نجــم ٍ في سماها


علموها عن خطاها .. وذكروها .. بالمنيّه
....... ذكروها ( !؟!؟! ) .. علّها تحس بخطــــاها