عرفين انا لو مت حرتاااااااااااااااح .. بسبب راجل في حياتي

البداية ,,,

كانت في بيت عمي لما طلب مني اني اشوف عريس هوا جايبهولي يبقي زميله في الشغل هوا اصغر منه في السن كتير بس معي بعض في شركه واحده

انا في البدايه كنت رافضه الموضوع بس اهلي اصرو علي اني اقبله واشوفه

وجه يوم المقبله كانت يوم 6/6 الساعه 8 المغرب في بيت عمي رحت انا وماما وبابا واختي الصغيره
واول ما دخلت من الباب مرديتش ادخل عنه علي طول دخلت علي الاوضه الي فيها مرات عمي وكنت متردده ادخلو مش عرفه ليه المهم ماما ومرات عمي قالولي ادخلي واعدي معاه عيب كده

ودخلت [ندعوك للتسجيل في المنتدى أو التعريف بنفسك لمعاينة هذه الصورة]

لقيت شاب وسيم واثق من نفسه وسلمت عليه وكان لطيف معايا جدا
اعدت ابص عليه وهوا بيكلم بابا في مواضيع عامه

وحسيت انو كويس طب ارفضو ليه ؟؟

المهم بعد ساعه من الكلام معي بابا راحو انسحبو واحد ورا التاني من الاوده وسابوني معاه نتكلم سوا

انا قلتلو اني ارتحت ليه واني متقبله الموضوع

وهوا فرح جدا ولقيته بياخد نفس عميق جدا وبيقول الحمد لله

اعدنا نتكلم عن الحياه الزوجيا ومفهومها من نحيت كل واحد فينا

عجبو كلامي جدا وقلي انا مش مصدق ان ربنا كرمني بوحده زيك عقلها كبير جدا

انا بصراحه فرحت جدا وحسيت وقتها اني بدئت ارتااااااح معاه جدا

ولقيت بابا جه بسرعه واعد معانا تاني

راح قال لبابا انو حيجيب ابوه ويجي يزرنا يوم 30/7 عشان اخوه حيكتب كتابه في نص شهر 7 وده حيكون شاغلهم جدا

بابا قله ماشي ورحنا ماشين من عند عمي وخلاص

وبعدين بعد كام يوم اتصل عمي وقال لبابا ان العريس عايز يجي يعد معاك عشان يشوف هوا عليه ايه وانتو عليكم ايه وتتفقو قبل ما ابوه يجي عشان ما يحصلش مشاكل في الاتفاق

بابا وافق وقلو خليه يجي يوم الجمعة

وفعلا يوم الجمعه الساعه حوالي ثمنيه نص كنو عندنا العريس وعمي ومرات عمي

اعد معي بابا واتفق علي انو حيجيب تقريبا كل الحاجه وانا عليا الاجهزه الكهربائيه بس

وخلاص اتفقو وقال لبابا لما ابويه يجي ابقي هوده وخلاص اتفاقك الاساسي معايا انا
خلاص ماشي

وراح طلب انو يقف معايا في البلكونه شويه نتكلم

ووقفنا في البلكونه وكنا في حالة سعاده جميله جدا وكل نضرات الحب بتملي عنينا

ونزل من عندنا وانا زعلانه ان الوقت عده بسرعه واستأزن بابا انو يكلمني علي الموبايل

تاني يوم

لقيته بيكلمني علي الموبايل وبيقولي اني وحشته جدا وانو اتعلق بيا بسرعه اوي
وانا كنت حاسه ان قلبي بقي زي قلب عصفوره بيدق اوي من الفرح
وفضلنا علي كده حوالي شهر من الحب الجميل والغزل الرقيق

وكان بيقول انه بيغير عليا جدا من الهوا الطاير

وعلي فكره في الفتره دي كان بيقولي علي حاجات كتير غريبه جدا كان كل يوم يكلمني ويقولي انه جابلي هدوم كتير ومكياج كتير وجبلي الشقه وجبلي العفش انو دفع فلوسه وفاضل اختار الموديلات بس
وانو جبلي كاسات واطقم صيني وحاجات غريبه

انا كنت مستغربه وحطه علامه ؟ كبيره جمب كلامه هوا ضروفه علي قد حاله يعني صعب يعمل كل ده في شهر

قرب المعاد الي المفروض ابو يجي فيه

وقبل المعاد قلي انه حيخليها قرايت فتحه وتلبيس شبكه بلمره لانه مستعجل جدا اني ابقي خطبته انا وفقت وقلت ماشي

جه تاني واعد معي ماما وبابا عشان يتفقو علي حاجات الخطوبه

واتفقو علي انه حيجيب شبكه كبيره ( علي فكره هوا الي قال انه حيجيب شبكه كبيره ما حدش طلب منه حاجه )

وقال ان تكاليف الفرح كلها عليه عشان هوا عايز فلوسه ترفعه ما حدش يجي في يوم يقولو انا دفعتلك جنيه ماشي

ومشي من عندنا وهوا مواعد بابا انو يجبله مبلغ مالي كبير عشان يدفعو لمصاريف الشبكه

وفي اليوم الي كان المفروض يجي عشان يجيب الفلوس

اتصلت بيه وقلتلو انت حتيجي امتي قلي
لا مش حاجي انهرده عشان المبلغ مش كامل معايا

قلي حاجي بعد 5 ايام يكون المبلغ كمل عموما روحي انتي وماما واشتري الفستان الي يعجبك وادفعي الفلوس ولما اجي حديكي الفلوس

قلت ماشي وفعلا خت ماما واشتريت الفستان
واتصلت بيه وقلتلو اني جبت فستان جميل
قلي ماشي

وقبل ما يجي المعاد الي حدده معي بابا اتصل بيا قبلها بيومين وكان عمال يهرج معايا ومفيش اي حاجه

المفاجئة
اتصلت بيه تاني يوم زي العاده عشان اصبح عليه زي كل يوم



ما بيردش عليا ....... فضلت اتصل واتصل واتصل

اعدت يومين علي كده

وبعدين خفت يكون جراله حاجه

اتصلت بعمي وسألته عليه

مرات عمي قلتلي انه راح الشركه من يومين وسحب اوراقه عشان مسافر الامارات
وافتكرو انو قايلي واني حسافر معاه

طبعا انا زهلت وبقيت في حاله زهول فضيع

مش عرفه اتكلم ولا عرفه اتصرف ولا عرفه اعمل ايه ده الفرح فاضل عليه اسبوع الفستان جبتو والناس اتعزمت وانا حجزت عند الكوافير والمصوراتي زي ما هوا قلي حتي صحباتي في المنتدي عملو موضوع للمناسبه

بقيت في زهول تام وهوا مش عايز يرد علي تلفوني خالص ولا علي اي رقم غريب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليه؟؟؟؟؟؟؟؟ وعمل كده ليه؟؟؟؟؟؟؟؟؟؟؟؟ وعلقني بيه ليه؟؟

وهوا مش ناوي يتجوز ومسافر طب ليه دخل بيوت الناس وادي كلمه لراجل

ليه صغر عمي الي اتصدرله

ليه كسر قلبي الي حبه

ليه كرهني في اي راجل ممكن اقبله تاني في حياتي

انا خلاص بجد حسه ان الموت اهون عندي كتير من الي حصلي لاني كرهت الدنيا والناس الي بتخدع من غير سابق كراهيا بينهم

انا حسه اني فعلا بقيت عندي 100 سنه ومفيش حوليا غير اليأس والأكتأب والوحده والحزن والكراهية والغش والخداع

؟؟؟؟؟؟؟؟؟؟؟؟؟؟؟؟؟؟؟؟

عرفتو بقي انا بتمني الموت ليه

بس يا خساره ده مكتوب عند ربنا ومعاده مش معروف

بتحصل كتييييييييير اوى

تسلم ايديكى

لا دنيا حتى لو بتحصل
مش بالشكل ده
ده انسان مريض واكيد قابل صدمه فى حياته من وحده
واعتقادى انها صدمه بسبب ظروفه الماديه عشان الاوهام اللى كان بيقولها
وحب ينتقم من حبيبته فى انسانه تانيه
حسبى الله ونعم الوكيل فيه وفكل انسان يلعب بقلب اخضر ضعيف
خلى بالكو يا بنات من نفسكم