حسناء القطار(( تم اضافه الحلقه الاخيره ))(( تمت ))

الحلقة الثالثة عشر

على الفور عادت سارة الى البيت بعدما أخبرتها السيدة رجاء بأن هناك من ينتظرها .... و عندما دخلت البيت :
- مين اللى مستنانى ؟
السيدة رجاء فى فرحة شديدة :
- ادخلى ظبطى نفسك كدة , عشان فيه عريس قاعد جوة مع باباكى حسن فى الصالون ...
سارة فى دهشة :- عريس !!!
السيدة رجاء :- اه .. ده قاعد من بدرى .. و شكله من عيلة محترمة و ابن ناس ... يلا ادخلى ظبطى نفسك ..
سارة :- اظبط نفسى أيه .. مش اما أعرف هو مين الأول ..

***********

دخلت سارة الى الصالون بعدما طرقت باب الغرفة ..
الحاج حسن فى ابتسامة :
- تعالى يا سارة

رأت سارة من ذهب ليتقدم لها .. انه أحد زبائن المطعم الدائمين .. و يدعى صلاح .. وقد لاحظت سارة من قبل اهتمامه بها ..

الحاج حسن :- الاستاذ صلاح جاى .. وطالب ايدك ..
صمتت سارة قليلا ثم نظرت الى الحاج حسن :
- طيب ممكن تسيبنا لوحدنا شوية يا بابا ؟
الحاج حسن :- حاضر يا سارة ..
العريس :- أنا بصراحة يا سارة حبيتك من أول مرة شفتك فيها .. و كنتى باجى المطعم مخصوص عشانك ..
سارة :- بس ليه مقلتش ليا قبل ما تيجى تتقدم ؟!
العريس :- أنا قلت أخليها مفاجأة ..
سارة :- بس احنا منعرفش عن بعض أى حاجة .. و الجواز مش حب من أول نظرة وخلاص ..
العريس :- أنا بصراحة عرفت كل حاجة عنك من غادة صاحبتك و من الحاج حسن لما قعدت معاه .. و كبرتى فى نظرى .. أما لو عاوزة تعرفى عنى أى حاجة .. فأنا شغال محاسب .. وعندى شقة جاهزة .. و أهلى عايشين برة مصر ..

قاطعته سارة :
- طبعا حضرتك انسان محترم .. و أى بنت تتمناك .. بس أنا مبفكرش فى الجواز دلوقتى ..
سكت قليلا :
- أنا هسيبك تفكرى على راحتك .. أنا عارف أنها مفاجأة منى .. و لو غيرتى رأيك أنا لسة عاوز اتجوزك ..

**********

انصرف صلاح ... و بعدها دخلت السيدة رجاء الى سارة
:- هه قلتى ايه ؟
سارة :- قلت له أنى مبفكرش فى الجواز .. و قال انه هيسيبنى أفكر ..
السيدة رجاء :- ليه بس يا سارة .. ده شكله عريس محترم ..
سارة :- عارفة والله يا ماما .. و زملاتى كلهم بيشكروا فيه .. بس حاسة اننا مش مناسبين لبعض .. و الجواز قسمة ونصيب ..
السيدة رجاء :- خلاص يا بنتى زى ماتحبى .. واللى فيه الخير يقدمه ربنا ..

***********

أما أنا و ريم فبدأنا رحلة المعاناة .. و ليست المعاناة بمعناها الحقيقى .. و لكننى أقصد تجهيز عش الزوجية .. فلم يتبق سوى شهران على الزواج .. و مازالت تلزمنا اشياء كثيرة جعلتنا نسارع الوقت حتى يتم كل شئ فى الوقت المناسب .. فقد اتفقت أنا و ريم أننا سنعيش فى شقتى مع أمى .. و مع بعض التجديدات ستكون فى غاية الجمال ..

لم اتخيل أننى سأصبح مسئولا عن زوجة بعد شهرين .. و لكننى رضيت بالواقع وحاولت على قدر ما استطيع أن اجعل ريم سعيدة طوال فترة الخطوبة .. حتى جاءت ريم فى يوم :
- أنا مش عارفة أقولك أيه ؟
نظرت اليها فى دهشة :
- مش فاهم
ريم :- انت هتتعب اليومين الجايين دول لوحدك ..
:- ازاى ؟
ريم :- أنا جالى شغل مفاجئ فى الاسكندرية لمدة تلات أيام .. وحاولت اعتذر معرفتش
نظرت اليها فى ابتسامة :
- و فيها أيه .. ؟ سافرى و اطمنى .. عاوزانى أسافر معاكى ؟
ريم :- لا .. خليك أنت كفاية عليك مشاغلك .. و أنا هحاول أخلص فى أقصر وقت ممكن ..

أوصلت ريم الى محطة القطار المتجه الى الاسكندرية .. و ودعتها ثم عدت ..و واصلت مهامى مع تجهيز الشقة .. فاننى أريد أن أحقق لها مفاجأة حين تعود من الاسكندرية ..

**********

وصلت ريم الى الاسكندرية .. و هناك استقبلها مديرها بالعمل .. ثم ذهبت لترتاح من عناء السفر .. و بعدها بدأت عملها .. فهى مهندسة معمارية .. و كانت مشاركة فى تصميم احدى المشروعات الكبرى .. وكان الجميع يشهد لها بالتفوق ...

كانت ريم تعمل فى سرعة .. تريد أن تنهى ما يطلب منها حتى تعود الى القاهرة فى أسرع وقت .. كى تعد نفسها هى الأخرى للزواج ...

*********

أما أنا فمازلت أعمل جاهدا على تجهيز الشقة ..و أتابع من يعملون بها ..حتى ماجد جاء معى هناك ..
نظرت الى العمال :
- يلا يا رجالة ..
ماجد :- انت مستعجل أوى ليه ؟! .. ده فاضل شهرين ..
:- أنا عاوز أعمل مفاجأة لريم لما ترجع من الاسكندرية وأخلص جزء كبير ..
ماجد :- هى هترجع امتى ؟
:- يعنى .. يومين تلاتة كدة .. هى حاولت تعتذر بس معرفتش

ضحك ماجد :- أخيرا هشوفك عريس ..

*********

نجحت ريم فى انهاء عملها على خير ما يرام ... و نتيجة لذلك قرر رئيسها بالعمل أن يقيم حفل غداء باحدى المطاعم الفخمة قبل عودتها الى القاهرة ... و قد ذهبت ريم مع باقى المهندسين لحضور ذلك الغداء .. و كم كانو فى قمة السعادة من انهاء ذلك الجزء من العمل الذى كلفت به ريم ..

مدير ريم :- أظن يا ريم انتى أكتر واحدة فرحانة أن مهمتك انتهت .. و هترجعى القاهرة تانى ..
ريم :- بصراحة اه .. ده زمان خطيبى محتاس لوحده ..
مهندسة أخرى :- انتو هتتجوزا امتى ؟
ريم :- بعد شهرين ان شاء الله ..
المهندسة :- احنا طبعا معزومين ..
ريم :- أكيد طبعا

كان الجميع فى قمة السعادة .. حتى تغيرت ملامح ريم فجأة حين رأت فتاة من بعيد ..
:- معقول ... صاحبة الصور ..
ثم تعود وتحدث نفسها :
- لا .. أكيد واحدة شبهها ..

و ظلت ريم تكذب عينيها .. و أكملت الحديث مع من معها .. ولكن فضولها وشكوكها لم تنته .. و استأذنت منهم فجأة .. و ذهبت الى فتاة أخرى تعمل بالمطعم .. ثم أشارت الى سارة

:- هى مين اللى هناك دى ؟

ضحكت الفتاة : - دى سارة جميلة الجميلات .. و الكل هنا بيناديها كدة ..
ريم :- سارة .. أيوة سارة ..

عادت ريم وجلست مرة أخرى .. و قد لاحظ الجميع تغير ملامحها ..
من معها :- أيه يا ريم .. مالك اتغيرتى فجأة ؟
ريم :- أنا بس حسيت بشوية تعب ... بعدها استئذنت مرة أخرى .. و ذهبت الى نفس العاملة :

- قوليلى .. هى سارة مريضة بمرض خطير ؟
نظرت اليها الفتاة بغرابة :
- مريضة أيه .. فال الله ولا فالك
بعدها ذهبت الفتاة الى سارة و أشارت الى ريم :
- على فكرة .. اللى هناك دى سألتنى عليكى أكتر من مرة ..

نظرت سارة الى ريم .. و بالفعل وجدتها تحدق بها .. وتلاحقها بعينيها حتى اندهشت ..
سارة :- أنا معرفهاش .. و لا عمرى شفتها قبل كدة ..

حتى زادت دهشة سارة حين وجدت ريم تقوم مرة اخرى .. و تتجه نحوها وتسألها دون مقدمات :
- انتى تعرفى الدكتور حازم فؤاد ؟ ........

يتبع

عدد المساهمات : 1202 العمر : 74

هايل يا عميد

يلا بقى اللى بعده بسرعه

عدد المساهمات : 6076 العمر : 48

ايه ده انا قعدت اسبوع لحد ما جبتلنا الحلقه دى
وفى اخرها تسبنا متعلقين كده

كمل بقى بسرعه
bom

يلا بسرعه
اللى بعدها

انا قولت بعد الغيبه دى كلها هتجيب اللى باقى كله

تحفه بجد ونبى بلاش تعلقنا كده وتسبنا
كمل الباقى بسرعه اوى دى شكلها هتحلو اوووى

Exclamation

عميد ياعميد
اقولك سر انا عرفت اخر القصه
وهقولكم ياعيال من غير الزل ده
Neutral

ايه يابت انتى غاويه الاذى لنفسك
اسكتى احسن
انت مش بتحرمى ابدا
طب ما انا عارفه وساكته
هسسسسسسسسسسسسسس
Exclamation

ولا بيهمنى هقول استنونا مع كشف الستار
عن احداث تلك القصه

يابت اهمدى هما لسه حلقتين بس تقربيا
اهدى بقى وبلاش اذى
حسناء القطار(( تم اضافه الحلقه الاخيره ))(( تمت )) - صفحة 5 511673

مين ده دى فرصتى اوريه الايام الزرقا
استنونا بجد هحط الباقى وكله على بعضه
استنو بس ثوانى

والله شكلك انتى اللى هتشوفى الايام الزرقا

انا قولتلك وخلاص
انتى اللى بتعملى كده فى نفسك

ال زرقا ال
اصله عمال يزل العيال وانا
مرضاش بكده خالص
استنو هنزلها هنزلها
jyi

يلا يافكرة وخليكى قد كلمتك

اعدى انتى سخنى البت كده ياابتسام
لحد ماتتعلق
ماشى ماشى

حسناء القطار(( تم اضافه الحلقه الاخيره ))(( تمت )) - صفحة 5 511673

اتعلق مين مش انا
وايه رايك هقول وهنزلها
احنا محدش يزلنا يابوسى

وماحطتيهاش ليه ياااااااااااااااااا
يابت انتى
بس عارفه هاتتعلقى من ودانك
Neutral

عدد المساهمات : 6076 العمر : 48

يا فكره
يا زعيمة عصابة الاشرار
انا كمان عرفت
دخلت control room
وعرفت اخرها
بس مقولتش
عشان تعرفى انك شريرة

حسناء القطار(( تم اضافه الحلقه الاخيره ))(( تمت )) - صفحة 5 511673

ايه ده انتى بتعرفى الناس جبتيها منين يا كوكى
ياحول العالم
دنتى طلعتى شريره شريره
اهو اتفضل ياعميد ادى كوكى ياعم كشفت الحقيقه

خليكى ف حالك يافكره
كوكى الكبيره بتاعتنا وتعمل اللى هى عاوزاه اطلعى انتى منها

حسناء القطار(( تم اضافه الحلقه الاخيره ))(( تمت )) - صفحة 5 511673

عدد المساهمات : 6076 العمر : 48

ربنا يخليك ليا يا عميد يا قمر

ثم انتى يا زعيمة عصابة الاشرار
مش عارفه انى من الادارة
والورق كله بيكون تحت ايدي
وعارفه كل حاجه ولا ايه

امشى جنب الحيط يا عثل

ودى منى ليك يا عميد
حسناء القطار(( تم اضافه الحلقه الاخيره ))(( تمت )) - صفحة 5 T017

حسناء القطار(( تم اضافه الحلقه الاخيره ))(( تمت )) - صفحة 5 T017

حسناء القطار(( تم اضافه الحلقه الاخيره ))(( تمت )) - صفحة 5 Friend006

بقى كده يعنى بقيت شريره يعنى
طيب ماشى الحق عليا
وانتى ياكوكى
انا هديت الحيط علشان ممشيش جمبه
وكمان ورده طيب نهاركم ازرق
الصبر

ايه الجمال ده كله ياتيته
تسلم ايدك
وخليهم يموتو بغيظهم
وخصوصا البت اللى مش سالكه دى

الحلقة الرابعة عشر

فوجئت سارة بمن تتجه نحوها ...
ريم :- انتى تعرفى الدكتور حازم فؤاد ؟

كادت سارة أن تسقط من الصدمة .. و لكنها تماسكت و ردت فى هدوء :
- مين الدكتور حازم فؤاد ؟

على الفور أخرجت ريم صورة من حقيبتها .. و كانت صورة حفل خطوبتها هى وحازم :
- ده اللى فى الصورة ..
نظرت سارة الى الصورة وتحاول أن تتمالك نفسها :
- هو جوز حضرتك ؟
ريم :- لأ .. احنا لسة مخطوبين .. انتى تعرفيه ؟

لم تستطع سارة تلك المرة أن تقاوم دموعها .. فكم تمتلك من احساس عالى و رقة و سقطت دموعها .. و تركت ريم و خرجت مسرعة .. لا تدرى الى أين هى ذاهبة .. لا ترى سوى شريط الماضى يتكرر أمام عينيها .. حتى وقفت على صخرة أمام شاطئ البحر ودموع عينيها لاتتوقف ..

**********

أما ريم فاستقلت القطار المتجه الى القاهرة .. و لم تكن حالتها أفضل من سارة .. و ظلت تحدث نفسها :
- أكيد كان فيه حاجة بينهم ..
و تتذكر حازم و نظرته للصور .. و حين أخبرها أنها مريضة
:- الكداب ... مريضة ..
و تسأل نفسها :- هى ليه هربت من مواجهتى .. و أنا هثق بحازم ازاى بعد ماطلع كداب ؟

:- فعلا سفرية الاسكندرية دى جت فى وقتها عشان أعرف كل حاجة ..
ثم تعود وتحدث نفسها :
- بس ممكن يكون حازم مظلوم فعلا .. واللى عندى دى شكوك
:- طب أواجهه و لا لأ ؟

:- خايفة لأضيع كل حاجة فى لحظة غضب .. و بعدين حازم شاب و كل الشباب بيبقى لهم ماضى وبينسوه أول مايتجوزا .. وطالما بيحيبنى دلوقتى خلاص ..

و ظلت ريم هكذا حتى وصل القطار الى القاهرة .. و هناك كان حازم فى استقبالها

**********

عادت سارة بعدما هدأت بعض الشئ الى المطعم مرة أخرى .. ولا يزال الحزن يبدو عليها .. حتى سألتها غادة :
- انتى كنتى فين .. و مين اللى كانت واقفة معاكى ؟

لم تجب سارة .. و ظلت صامتة .. بعدها عادت الى البيت وحين وجدت السيدة رجاء ارتمت فى حضنها وظلت تبكى .. ثم مسحت دموعها .. و اخرجت هاتفها كى تحدث أحد الاشخاص ..
سارة :- صلاح .. أنا موافقة على الجواز ..

**********

أما أنا فاندهشت من سكوت ريم على غير العادة طوال الطريق من محطة القطار الى بيتها .. و كلما أحاول أن أحدثها :
- الرحلة كانت عاملة أيه ؟
ريم :- كويسة .. ثم تصمت
:- و الشغل ؟
ريم :- عادى .. ثم تصمت
أخبرتها فى فرحة :
- أنا عامل لكى مفاجأة ..
ردت :- طيب ..

حتى سكت أنا الأخر .. و قلت لنفسى ربما حدثت بعض المشاكل بالعمل .. و ستخبرنى بها فى وقت لاحق .. و تركتها ببيتها تستريح وعدت انا الى بيتى ..

***********

فى اليوم التالى أردت أن أجعل ريم ترى المفاجأة التى سعيت و اجتهدت كثيرا لأنجزها قبل أن تعود للقاهرة .. و اخذتها الى الشقة التى اصبحت جاهزة بشكل كبير ..

:- غمضى عينيكى
ريم :- ليه ؟
:- غمضى بس
ريم :- طيب ثم أغمضت عينيها
:- فتحى عينيكى
ابتسمت ابتسامة مصطنعة :- كويسة
نظرت اليها :
- ريم هو فى حاجة حصلت لكى فى الاسكندرية ؟
ريم :- لا ... هيحصل ايه يعنى ؟
:- أمال فى أيه ؟
ريم :- مفيش حاجة .. أنا عاوزة أروّح البيت .. لأنى تعبانة شوية ..

**********

كانت سارة فى عملها حين فوجئت بـ غادة وبقية زملائها فى المطعم يقومون بالطبل على الصوانى ويغنون :
- ماتزوقينى يا ماما قوام يا ماما .. ده عريسى هايخدنى بالسلامة يا ماما ..

و ظلوا يغنون .. و كم كانت سعادتهم حين علموا بخبر زواج سارة ...

غادة :- انتو هتتجوزا امتى ؟
سارة :- صلاح مستعجل .. لو كان عليه عاوز بكرة قبل بعده .. بس أنا قلت له بعد شهر أو شهر ونص كدة ..
غادة :- بالسرعة دى؟!
سارة :- هو مستعجل لأننا اتفقنا اننا هنسافر بعد الجواز برة مصر ..
غادة :- ربنا يوفقك وعقبالى يارب ..

**********

تمر الايام ولم يتبق سوى شهر على زواجى أنا وريم .. و بدأت ريم تعود لطبيعتها مرة أخرى .. ولم أرد أن أعود و اسألها عما حدث فى الاسكندرية وسبب حزنها .. و فضلت أن اتركها سعيدة ..

حتى خرجنا ذات يوم أنا وريم و والدتى و والدتها نشترى بعض كماليات الشقة .. وبعدما اشترينا أشياء كثيرة ..و كنا بأحد المولات الكبرى .. توقفت ريم أمام أحد محلات الملابس :
- الله الفستان اللى هناك ده جميل اوى ..
نظرت اليها فى ابتسامة :
- خلاص طالما عجبك .. يلا ندخل نشتريه ..

حتى فوجئت بأمى تشير الى فستان مجاور له :
- الفستان اللى هناك ده زى اللى انت كنت اشتريته لـ سارة ......

الى اللقاء فى الحلقة الاخيرة

عدد المساهمات : 1202 العمر : 74

ماشاء الله على مامتك يا حازم

الست جابتله مصيبه

متتاخرش علينا بالحلقه الاخيرة بقى يا عميد

صح ياعميد فين الحلقه الاخيره
يلا بسرعه عاوزه اعررف النهايه

» المسلسل الكوميدى كريمه كريمه ( تم اضافه باقى الحلقات الى الحلقه الاخيره )
» روحين ف جسد الحلقه الاخيره
» حصريا حلقات الحلم ( قصه حياه الاسطورة عمرو دياب ) (تم اضافه الحلقه السادسه)
» حسناء.......
» فضل الايات الاخيره من صوره الحشر