حسناء القطار(( تم اضافه الحلقه الاخيره ))(( تمت ))

جميله طبعا يا عمده كالعاده بس ياريت
تكمل بسرعه بقى

الحلقة السادسة

أصرت سارة أن نرقص سويا مع من يرقصون على ألحان تلك الموسيقى ... و بعدما وافقت أمسكت بيدى .. و هممنا لنرقص سويا ..
وضعت أيدى على خصرها .. و وضعت سارة يدها على كتفى .. و بدأنا لنرقص ... حتى حدث ما توقعته ... تعثرت و كادت سارة أن تسقط معى .. حتى ضحك من شاهدونا بسخرية ..

:- أنا قلت لكى إنى مبعرفش أرقص .. يلا بينا نقعد ..
سارة :- اسمعنى .. هنحاول مرة تانية ..
نظرت إلى من يضحكون علينا :
- كدة الناس هتضحك علينا أكتر و أكتر
سارة :- سيبك منهم دلوقتى ... كل اللى أنا عاوزاه منك .. أنك تركز مع الموسيقى .. و تبص فى عينيا .. و بس
:- بس دى آخر مرة يا سارة ..
سارة :- طيب بس أعمل زى ما قلت

وضعت يدى على خصرها مرة أخرى .. و وضعت يديها على كتفى .. و أنصتّ الى الموسيقى ..و نظرت إلى عينيها كما طلبت منى ... و كنت متأكد من الفشل مرة ثانية ..

***

لا أعلم ماذا حدث لى حين التقت عينانا .. لم أشعر بنفسى وقتها .. و لم أفكر إلا فى تلك العينين الساحرتين .. و بدأت أرقص و كأننى محترف .. حتى جذبنا انتباه كل الحاضرين ...

حتى من كانوا يرقصون غيرنا جلسوا ليشاهدونا ... و أصبحت أنا و سارة فقط من نرقص .. و كأنه فرحنا ... و الكل منبهر بنا و نحن مندمجان مع الموسيقى و كأنها لحنت لنا ... و أنا مهيم لا أشعر بشئ من حولى ... حتى سارة هى الأخرى بدت و كأنها هائمة ... و وضعت رأسها على كتفى .. و بعدها تعود لتلتقى عينانا مرة أخرى ... حتى اندهشت العروس , و سألت عريسها :

- هو ده صاحبك الخام ..؟
العريس :- خام أيه بقى .. ده طلع استاذ ..

حتى انتهت الموسيقى و جلسنا مرة أخرى .. و الجميع ينظر إلينا و أنا غير مصدق لما حدث حتى أصابنى الضحك حين جاءنى شخص لم أعرفه ليحدثنى :
- يا دكتور حازم .. دى دعوة ليك على فرحى الشهر الجاى ..

***

عدنا إلى البيت .. و كنا فى قمة الإرهاق .. و كل منا دخل حجرته كى يخلد للنوم .. أما أنا فمازلت فى ذلك الحلم .. و اسأل نفسى :
- أخيرا لقيت البنت اللى قدرت تنسينى همومى .. و تخلينى أسعد انسان ..
و أكمل :- يااااه .. سارة بتحبنى الحب ده كله ..؟

و سارة فى حجرتها .. لم تنم هى الأخرى .. و تنظر إلى صورة حازم
:- يااااه .. الله على الحب .. كنت فين من زمان يا حازم ..؟

و أنا مازلت فى حجرتى اتحدث مع نفسى :
- خلاص مفيش أى حجة ... أنا بكرة هطلب من سارة إنى اتجوزها ...

و هنا قررت أن اتزوج من سارة .. وأن اجعلها تكمل حياتها معى ... حتى أننى أعلم أنها أحبت قبل ذلك .. و لكننا فى الحاضر .. و أنا متأكد أننى أحبها .. و أنها تحبنى ..

***

فى صباح اليوم التالى ....
صحوت فوجدت أمى فى المطبخ ...

:- هى فين سارة يا ماما ؟
أمى :- طب قول صباح الخير الأول ..
:- طيب صباح الخير .. قوليلى بقى سارة راحت فين ؟
أمى :- سارة صحت من بدرى .. و نزلت تشترى شوية طلبات .. و جهزت لك الفطار على السفرة ..
:- طيب يا أمى .. أنا هفطر لحد ما تيجى .. لأنى محضّر لكم مفاجأة ..
تركت أمى ما بيدها :- مفاجأة أيه ..؟
ضحكت :- اما تيجى سارة .. بس اطمنى .. مفاجأة هتبسطك أوى..

***

بعدها جلست اتناول إفطارى .. و كل دقيقة تقع عينى على ساعة الحائط .. أريد أن تأتى سارة كى أخبرها هى و أمى بما قررته .. و أن أطلب منها الزواج ..

كنت اتناول إفطارى .. فوجدت بجوارى ألبوم الصور الخاص بـ سارة .. فبدأت فى تصفحه حتى تعود سارة .. و اقلب صفحاته واحدة تلو الأخرى .. و أنا سعيد بمشاهدة صورها .. حتى وصلت إلى تلك الصورة التى رأيتها من قبل و انشغلت بعدها بمرض أمى .. إنها صورة سارة و أختها ..

***

بدأ تفكيرى يعود من جديد .. و اسأل نفسى :
- أنا شفت اللى فى الصورة دى قبل كدة فين ؟
:- أنا متأكد إنى شفتها .. و كلمتها كمان ..
بدأت اركز أكثر .. فأكثر.. و أفكر أين قابلتها .. و أقول لنفسى :
- افتكر يا حازم ..

حتى بدأت اتذكر شيئا فشيئا .. و بدأت ملامحها تتضح أكثر .. فأكثر .. فأكثر .. نعم إنها المريضة ذات اللهجة الغريبة .. حين أتت إلى المستشفى .. و كنت أنا الطبيب الوحيد هناك يومها و تذكرت الحديث ..

المريضة :- أنا فجأة كدة بحس بدوخة يا دكتور ..
:- إنتى بتاكلى كويس
المريضة :- اه .. و التحاليل دى عملتها من شهر ..

بعدها زادت دقات قلبى .. و توقف الطعام فى حلقى حين تذكرت باقى الحوار ..
سألتها وقتها :- إنتى بتشتغلى أيه ..؟
ردت فى ثقة عجبت لها :- أنا بشتغل رقاصة ...

عدد المساهمات : 1202 العمر : 74

طبعا جميله موووووووووووووووووووووت
يلا بقى السابعه بسرعه
حسناء القطار(( تم اضافه الحلقه الاخيره ))(( تمت )) - صفحة 2 155

طب هو يقصد مين فيهم
ساره ولا اختها
اللى بيفتكرها دى مين
تسلم ايدك
حسناء القطار(( تم اضافه الحلقه الاخيره ))(( تمت )) - صفحة 2 158641

انت نايم ولا ايه ياعايش
فالح بس تبهدلنى ومش عارف تركز هنا ياراجل روح

الحلقة السابعة

راقصة .....
وقتها لم أجد نفسى الا مسرعا الى المستشفى .. ابحث سجلات المرضى حتى أصيب العاملون هناك بالدهشة ...
موظف التسجيل :- أنت بتدور على أيه يادكتور ..؟
اجبته :- أنا عاوز تذكرة مريضة .. كانت هنا يوم راس السنة اللى فاتت ..
الموظف :- طيب ثوانى هجيب لك تذاكر اليوم ده ..
:- هات لى بس التذاكر اللى عليها امضتى ..

أتى الموظف بكم هائل من التذاكر .. وبدأت اتفحصها واحدة تلو الاخرى .... وبعد بحث طويل .. أمسكت بأحدى التذاكر :
- أيوة هى دى .. أنا فاكر تشخيصى كويس .... الاسم .. وفاء على ... ايوة .. وفاء ..

ثم أخذت العنوان المكتوب فى تلك التذكرة بعدما تأكدت أنها المقصودة ... وبقى أن افكر فيما افعل بعد ذلك ...

********

بعدها ذهبت الى صديقى ماجد الذى يعلم كل شئ عما يحدث .. ولا أخفى عنه شئ ... وبعد تفكير طويل ..
ماجد :- احنا أحسن حاجة نروح العنوان .. ونعرف كل حاجة بنفسنا ..
قلت فى حيرة :- أنت شايف كدة ..؟
ماجد :- أيوة .. و أنا عندى خطة كويسة ندخل بيها البيت من بابه كمان ..
قمت على الفور :- طيب .. يلا بينا

**********

فى الوقت ذاته .. عادت سارة الى البيت مرة أخرى ..
أم حازم :- أنتى اتاخرتى ليه ياسارة ..؟
سارة :- هاعمل أيه ياماما .. على اما اشتريت كل الطلبات ..
أم حازم :- اصل حازم كان عاوزك .. وبيقول أنه عامل لنا مفاجأة ..
سارة فى لهفة :
- مفاجأة ... مفاجأة أيه ..؟
أم حازم :- مرضاش يقولى الا ماتيجى انتى .. ولما اتأخرتى نزل ..

ضحكت سارة .. وكأنها تعلم بتلك المفاجأة .. ثم جلست وظلت شاردة الذهن .. وتنتظر حازم بفارغ الصبر ..

************

ذهبت أنا وماجد الى العنوان المقصود .. حتى اقتربنا من المنطقة التى تسكن بها .. وبدأنا نسأل من يقابلنا فى طريقنا .. و اندهشنا من ردود الناس .. فهناك من كان يدلنا .. وهناك من يقولها صريحة :
- اعوذ بالله
حتى وصلنا البيت .. طرقنا الباب .. وفتحت احدى الفتيات
ماجد :- بيت الست وفاء ..؟
الفتاة :- أيوة .. أنتو مين ..؟
ماجد :- احنا عاوزين الست وفاء فى حفلة ..؟
صوت نسائى من الداخل :
- مين يابطة ..؟
الفتاة فى رعونة :- دول زباين يا أبلة ... ثم نظرت الينا :
- اتفضلو ادخلو ..

**********

دخلنا البيت .. ثم وجدت من كانت بالصورة .. وحمدت الله أنها لم تتذكرنى ... جلست وبدأت عيناى تتفقد البيت .. و أنا مندهش .. فأنى كنت اظن أن تلك الطبقة قد انتهت .. ولكننى فوجئت بوجودها ..

وفاء :- الحفلة دى فين بقى يابيه ..؟
ماجد :- هى لسة ميعادها بعيد شوية .. بس احنا قلنا لازم نرتب لها من دلوقتى ونتفق معاكى ..
وفاء :- بس الاتفاق مع جوزى .. هو المسئول هنا عن كل حاجة ..
ماجد :- وهو فين جوزك ..؟
وفاء وهى تنظر الى الساعة :
- زمانه جاى .. مسافة ماتشربو الساقع ..

***********

كانت تلك فرصة ذهبية حتى افتح مجالا للحوار اكتشف به مايدور فى ذهنى ..
سألتها :- انتى شغالة فى الفرقة دى من امتى ..؟
وفاء :- دى وراثة فى العيلة .. أنا اوعى ألاقى وسطى بيلعب ..
اكملت :- و انتى لازم تعملى كل حاجة بموافقة جوزك ؟
فى ثقة :- طبعا .. أمال ايه .. ده أنا لو عملت حاجة من غير موافقته كان يكسر عضمى ..
ماجد :- طيب هو هيتأخر ؟
وفاء :- لأ ... زمانه جاى ..أصله كان مطلوب فى خناقة .. وزمانه فى السكة ..
قلت فى سرى :-
خناقة .. و رقاصة .. والله كويس .. بيئة واطية ... واطية ..

هنا بدأت أتأكد أنها لا تمس سارة بأى قرابة .. و أنها كانت مجرد شكوك .. وبدأت ملامحى ترتاح .. وتركت ماجد يكمل معها الحوار .. و أنا مازلت اتفقد بعينى جوانب الشقة حتى وجدت بجوارى احدى الروايات ...
فنظرت اليها فى دهشة :
- ممكن سؤال ..؟
ردت :- اتفضل
:- هو انتى بتقرى روايات ..؟
وفاء وهى تمتص شفتيها :
- ده أنا بفك الخط بالعافيه يابيه .. تقولى روايات
امسكت بالرواية فى يدى :
- امال دى ايه ..؟
وفاء :- اه .. الكتاب ده كانت اختى الله يرحمها بتفضل تقرا فيه كل يوم ... لحد ماطفشت وسابتنا ..

عادت شكوكى مرة اخرى :
- انتى ليكى اخوات ..؟
هزت رأسها :- اه .. بس سابتنا وطفشت ..
سألتها فى سرعة :- طفشت ليه ..
وفاء فى غضب :
- هو تحقيق يابيه ولا ايه ... مكنتش العيشة عجباها مع انها كانت قمر .. ولو اشتغلت معانا كانت أكلتنا دهب .. ثم اخرجت صورة من معها ..
:- شايف يابيه كانت حلوة ازاى

هنا صدمت مرة اخرى .. انها صورة سارة .. واصابنى الصمت
ماجد :- انتى لكى اخوات تانيين ..؟
وفاء :- هى دى بس ... بس بقالها شهرين سايبة البيت .. فقلنا انها ماتت ..
ماجد :- اه
وفاء :- أما دى بقى .. صورة جوزى ..

كان رجلا ضخم .. لايبدو عليه أى ملمح من ملامح الرومانسية .. وبعدها اكملت حوارها مع ماجد .. بينما وضعت الرواية فى جيبى دون ان ترانى ..

*********

بعدها عدت الى المستشفى مرة أخرى بين قمة الغضب وضحكات ماجد الساخرة .. و أنا اتذكر حين كانت تخبرنى فى القطار .. أن حبيبها تزوج من أختها .. وفضلت الهروب حتى تحافظ على حياة أختها ..
أى حبيب .. هل ذلك المتشرد .. أم أختها التى تكبرها السن..

بعدها تذكرت تلك الرواية فى جيبى .. التى اخبرتنى أختها أنها كانت تحبها كثيرا ...
أخرجت الرواية .. وبدأت اتصفحها فى خيبة أمل .. و أقلب صفحاتها دون تركيز .. حتى وقعت عينى على جملة بأحدى صفحات الرواية
:- ......... معقول !!!!!!

تسلم ايدك حلوه اوى اوى اوى

الثامنه بقى بسرعه يا عمده

tongue

ايه دة
هيه الحكايه اتعقدت كدة ليه
طب هو هيعمل ايه
فى الاخر
متلخص وانجز يا عمدة

عدد المساهمات : 1202 العمر : 74

هاااااااااااااااااااااايل يا عميد
يلا بقى التامنه قوام
حسناء القطار(( تم اضافه الحلقه الاخيره ))(( تمت )) - صفحة 2 38ea47dd22

عدد المساهمات : 791 العمر : 33

جااااااااااااااااااااااااامدة موووت

يلا اكتب باقى الحلقات بسرعة
بسرعة
انت لسه مكتبتش؟

لا مش معقول

يلا بقى بسرعه

Exclamation

مشاء الله وربنا منورين وانتو ورا بعض كده

ربنا يزيد ويبارك
هههههههههههههههههههههههههههه

الحلقة الثامنة

بدأت أقلب صفحات الرواية فى يأس .. صفحة تلو الأخرى ..حتى استوقفتنى جملة :-
بطلة الرواية :- كيف تتزوج من أختى رغم حبى لك ؟
قلت لنفسى :- معقول ..

بعدها عدت الى بداية الرواية .. التى كان مسماها "عودة من الماضى " وبدأت اقرأها على مهل .. يالها من مفاجأة .. انها القصة التى اخبرتنى بها سارة فى القطار ..

يالها من بارعة .. استطاعت أن تخدعنى .. وتستغل طيبتى بل سذاجتى .. حينها لم أجد نفسى الا مسرعا الى البيت ..

*********

عدت الى البيت فوجدت سارة فى انتظارى كالعادة .. وعندما رأتنى اغلقت التلفاز ..

سارة :- انت أيه اللى أخرك كدة ..؟
نظرت اليها وأنا أحاول أن اتمالك غضبى :
- عادى ... ثم سألتها :- أمى نامت ؟
سارة :- اه .. وقالت لى انك قلت لها أن عندك مفاجأة لينا ..
هززت رأسى فى احباط :
- اه .. مفاجأة .. فعلا مفاجأة ..
سارة :- طيب ثوانى .. هحضر ليك العشا .. وبعدين تقولى عليها ..

ثم التفتت متجهة الى المطبخ ..
فى غضب شديد :- سارة .. انتى ليه عملتى كدة ؟
سارة :- أنا ... عملت أيه ؟!!
نظرت اليها :- انتى مين ياسارة ؟
سارة فى دهشة :
- أيه السؤال الغريب ده .. انت بتهزر .. ولا بتتكلم جد ؟
نظرت اليها فى حدة :
- انتى مين ياسارة ..؟
سارة بعدما ادركت اننى اتحدث بجدية :
- أنا قلت لك قبل كدة أنا مين ..
أكملت :- عاوز اعرف كتير عنك ..
سارة :- أنا قلت لك كل حاجة تقريبا ..
صمتت قليلا ثم نظرت اليها:
- ممم ... بس نسيتى تقوليلى على أهم حاجتين ..

ثم اخرجت الرواية والكارت الخاص بأختها .. ووضعتهما أمامها
:- دول ..

*********

كادت سارة أن تسقط من المفاجأة .. ونظرت الىّ ولم تنطق بكلمة ..
صفقت بيدى فى سخرية :- فعلا .. ممثلة بارعة .. وأنا العبيط اللى صدقك ..
بدأت دموعها تتساقط :- بس أنا والله كنت هقولك ..
:- تقوليلى .. اه فعلا تقوليلى .. وعاوزة تقولى ايه كمان ..
سارة فى بكاء :- أنا فعلا حبيتك وكنت هقولك ..
فى حدة شديدة :- حبتينى .. اه وعاوزانى اصدقك بعد كدة ..
سارة :- انا والله بحبك .. وعمرى ماحبيت غيرك ..

صمتت كثيرا ثم التفتت بظهرى :
- اظن انتى عارفة المفروض ايه اللى يحصل ..
ثم اكملت :- من بكرة الصبح تكونى سيبتى البيت ..

***********

بعدها جرت سارة فى بكاء شديد الى حجرتها .. وأنا لم استطع البقاء بالبيت .. فخرجت رغم تأخر الوقت ..لا أعلم أين اذهب .. ولكننى امشى .. وتفكيرى لا يتوقف ..واتحدث الى نفسى وكأنى انقسمت الى شخصين :

- حتى البنت الوحيدة اللى حبتها .. طلعت كدابة ..
وأعود فى صراع مع نفسى :
- بس انت حبتها فعلا ..
:- بس دى كدابة ....و أهلها ..
اعود مرة اخرى :
- طيب ما كلنا بنكدب .. وبعدين بص للجانب الايجابى طلعت مبتحبش حد قبل كدة ..وأنا متأكد أنها صادقة فى حبى ..
اسأل نفسى مجددا :- طيب وأهلها ؟
:- ما انت كنت هتتجوزها من غير ماتعرف عنها حاجة .. بعدين هى مكنتش راضية عن عيشة اهلها ..
:- طيب فيها ايه لو أديتها فرصة ..وأنا متأكد أن معدنها كويس ..

بقيت فى هذا الصراع مع نفسى .. حتى سمعت اذان الفجر فدخلت أصلى .. وبعدما أصابنى الهدوء بعض الشئ .. قررت أن أعود واعتذر لسارة .. ويكفى أنها تحبنى .. وأن نبدأ من جديد .. ولا يهمنى ذلك الماضى .. وان كذبت فما بيننا من حب يستطيع أن يجعلنى أسامحها ..
- " سارة .. أنا اسف " ظللت اكررها فى طريق عودتى للبيت ..

**********

عدت الى البيت مع طلوع الشمس ففوجئت بأمى فى قلق :
- حازم .. سارة مش فى البيت .. وكل حاجتها مش موجودة ..

ادركت أن سارة قد غادرت البيت حين كنت بالخارج .. فنظرت الى أمى .. ولم اقل الحقيقة :
- سارة رجعت لأهلها
أمى :- هى دى المفاجأة ؟!
فى حزن :- اه بالظبط ..
أمى :- بس كدة تمشى من غير ماتسلم عليا ..
:- انتى كنتى نايمة .. فسابت لكى السلام معايا
أمى :- ربنا يكرمها .. ويوفقها فى حياتها

**********

بعدها دخلت حجرتى .. ولا أعلم هل اشعر بالحزن أم بالندم .. وجلست على مكتبى .. وكادت رأسى أن تنفجر من كثرة مايدور بها .. واتذكر..
وهى تبكى وتقول :- أنا فعلا بحبك ..
وفجأة اتذكر أختها وهى تقول :- دى لو اشتغلت معانا كانت أكلتنا دهب ..
اتذكر سارة حين قبلتنى وأنا اضمد جراحها .. اتذكر تلك الرواية .. اتذكر نفسى فى القطار :
- طيب ماتيجى معايا لحد مانلاقى الحل ..

حتى وضعت رأسى بين يدى .. وأغمضت عينى .. و اتذكر حين رقصنا سويا على ألحان الموسيقى ... بعدها تحدثت بصوت عالى وكأنه اصابنى الجنون :
- ايه اللى انت عملته ده .. فيها أيه ما كلنا بنغلط ..

وفى حالة الغضب التى سيطرت علىّ .. قامت يدى باطاحة الكتب الموجودة على مكتبى من شدة الغضب ..

بعدها استلقيت بظهرى على الأرض .. وأحدق بسقف الحجرة .. شارد الذهن .. بعدها نظرت جانبى .. فلمحت عينى ورقة بين كتبى الملقاة على الارض .. مكتوب على ظهرها :
- الى حازم ....

واما هو هيزعل اوى كده بيزعلها ليه
بس جميله بصراحه تسلم ايدك

Like a Star @ heaven

عدد المساهمات : 1202 العمر : 74

جميله اوى
تسلم ايدك

حسناء القطار(( تم اضافه الحلقه الاخيره ))(( تمت )) - صفحة 2 5

بص بقى على التعليق ده كويس

هتلاقى على جنب كده ورقه

مكتوب عليها

الى العميد

كمل والنبى بسرعه

اهو احنا منورين واحنا ورا بعضنا كده

يلا بسرعه

هلف لفه وارجع الاقيك كملتها كلها

حاسه انى هموت قبل مااكملها ويبقى وقتها ذنبى فى رقبتك

برضو ورا بعض
ههههههههههههههه
والنعمه منورين

طيب يلا بقى بسرعه

لالالالالالالالالالالالالالالا
الحلقه الجايه ان شاء الله هاتبقى يووم الاتنين
استنيها بقى

ايه ده بقى

مااحنا الاتنين اهو
يلا بقى

هههههههههههههههههههههههههههه
انتى هاتبيعى زمتك علشان خاطر قصه
هههههههههههههههههههههه

بس يارب مااتضربش ف الاخر لما تخلصوها

ايوة شكلك هتتضرب علقه حلوة اوى

الحلقة التاسعة

استقلت سارة القطار المتجه الى الاسكندرية ... ولا تعلم الى أين هى ذاهبة ... انما أرادت أن تترك القاهرة .. ولاتخاف مما يخبئ لها القدر ..

ظلت سارة فى القطار تلتفت حولها .. تمنى نفسها أن يعود اليها حازم مرة أخرى .. ويصيبها اللهفة كلما وجدت أحدا يشبهه .. حتى تحرك القطار ..
وفى الطريق تتذكر تلك الذكريات الجميلة .. حين أصيبت يدها وحازم يضمد لها جراحها .. وحين أخبرها أنه يحبها .. وحين التقت عيناهما اثناء رقصهما سويا ..

**********

أما أنا فمازلت فى البيت .. وقد لمحت عينى ورقة مكتوب على ظهرها :- الى حازم ... فأمسكت الورقة بيدى .. وبدأت اتطلع فيها :
- ايه ده !! .. ده جواب من سارة ..

فوجئت بأن تلك الورقة قد كتبتها الىّ سارة قبل أن تغادر .. وعلى الفور قمت وجلست لأقرأ ذلك الخطاب .. وكان المدهش أنها كتبته بلباقة عالية ..
بدأت اقرأ الخطاب وقد كتبت تقول :

- الى من أحبه قلبى وعشقته كل جوارحى .. انه لايعلم مدى حبى لك الا الله ..
فى البداية اتأسف لأنى خدعتك , وكذبت عليك .. ولكنى وجدت تلك الفرصة الوحيدة كى أنجو بحياتى من حياة تعيسة لم أحبها طوال عمرى .. وأظنك تلتمس لى العذر عندما عرفت من أنا وكيف كانت حياتى من قبل ...

لقد نسيت أن أخبرك بشئ .. فأننى أعلم أنك طالما سألت نفسك كيف وافقت على المجئ معك الى بيتك دون أن أعرفك .. ولكننى أعرفك منذ زمن ... نعم أعرفك .. فقد كنت مع أختى بالمستشفى حين كانت مريضة .. وكنت أشاهدك من بعيد .. واستمع الى الجميع وهم يشكرونك .. وكم أعجبت بك وقتها .. ولكننى عدت وسألت نفسى أين أنا و أين أنت .. وحين وجدتك فى القطار , و أنت تحاول اللحاق به .. تذكرتك وتمنيت أن أحدثك .. ولكننى خدعتك لحبى لك .. و أنا اسفة مرة اخرى ..

اذهب وتعلق بمن هى فى مستواك العلمى والاجتماعى .. و أنا التمس لك العذر ..ولكن ما أريدك أن تعلمه أننى لست كأهلى .. وهذا مادفعنى للهروب .. لكن يبدو أنه قدرى ولا مفر منه .. وهو أننى سأظل هاربة طوال عمرى ..

ليتنى لم أقابلك .. فقد زاد الأمر سوء" .. ففى البداية كنت هاربة من أهلى .. لكنى أصبحت هاربة من حب أضاء ولو لمدة قصيرة .. سأظل هاربة لكنى لن أخدع أحدا بعد اليوم .. و أتمنى أن يرحمنى القدر .. أما أنت فانسانى كما سأفعل وأنساك .. ولكنى كيف أنسى تلك الايام .. وهى أجمل مافى حياتى ..

هنا دخلت أمى :
:- ياحازم .. الفطار جاهز ..
أجبت فى صوت يشوبه الحزن :
- حاضر يا أمى .. ثوانى ..
أمى :
- أيه الورقة دى .. و أيه اللى وقع كتبك كدة ؟
نظرت اليها :
- دى ورقة تبع شغلى .. وكتبى هنظمها حالا ..

قرأت الخطاب أكثر من مرة .. واسأل نفسى :
- هى كانت بتحبنى كدة فعلا .. ولا ّ الجواب ده خدعة جديدة ..؟

حاولت أن أقنع نفسى أنها ذهبت .. وأن مافعلته هو الصواب .. و أقول لنفسى .. أنها فترة وستمر .. ولكن دون جدوى ..

*********

قررت أن أعود لعملى بعد راحة دامت يومين .. وفى الطريق وجدت من ينادينى :
- يا دكتور حازم ..يا دكتور حازم

التفتت فوجدته عم اسماعيل الذى يسكن بالطابق الاسفل فى بيتنا .. و يعمل سائق تاكسى فنظرت اليه فى ابتسامة :

- ازيك ياعم اسماعيل..؟
عم اسماعيل :- نحمده يا دكتور .. كويس انى لقيتك ..
فى دهشة :- خير ياعم اسماعيل ...
أخرج عم اسماعيل شئ من معه:
- أنا من يومين وصلت الست سارة بنت عمك لمحطة القطر .. وبعد مانزلت .. لقيتها نست ده فى التاكسى ..

عدد المساهمات : 1202 العمر : 74

تسلم ايدك

طبعا هايله

bom

تسلم ايديك

اللى بعدها بسرعه

بسرعه

» المسلسل الكوميدى كريمه كريمه ( تم اضافه باقى الحلقات الى الحلقه الاخيره )
» روحين ف جسد الحلقه الاخيره
» حصريا حلقات الحلم ( قصه حياه الاسطورة عمرو دياب ) (تم اضافه الحلقه السادسه)
» حسناء.......
» فضل الايات الاخيره من صوره الحشر